Диалектілік ішкорпус – қазақ тіліндегі жергілікті тіл ерекшеліктері бар ауызша және жазбаша мәтіндердің Іздеу жүйесі арқылы жұмыс істейтін электронды жиынтығы. Атауы Диалектілік ішкорпус деп аталғанмен, қазақ тілінде диалект жоқ, оны жергілікті сөйленіс дейді. Сөйленіс термині кең танымал болмағандықтан, әзірге бұл ішкорпусты Диалектілік ішкорпус деп атап отырмыз. Диалектілік ішкорпус жасаудың мақсаты – зерттеу және оқытудың It-ресурсы ретінде қазақ тіліндегі жергілікті сөйлеу тілінің мәтіндік базасын жасау. Жалпы лингвистикада диалектілік корпустар өңірлерден таспаға жазылып алынған ауызша тіл мәтіндерін жинақтау негізінде жасалған. Қазақ тілінде Диалектілік ішкорпус әзірлемесінің 1-кезеңінде 2005 жылы жарық көрген «Қазақ тілінің аймақтық сөздігі» (Ғ.Қалиев, О.Нақысбеков, Ш.Сарыбаев, А.Үдербаев) материалдары негізге алынды. Жалпы көлемі – 180 000 сөзқолданыс.