Параллель ішкорпус – іздеу жүйесінен және метабелгіленімнен тұратын, түпнұсқa мәтіндер мен олардың aудaрмaлaрының жиынтығы. Ішкорпустың базасына енгізілген қазақ тіліндегі көркем әдебиет (1340758 сөзқолданыс) пен оның орыс тіліндегі аудармалары (1469655 сөзқолданыс), қазақ (568552 сөзқолданыс) және орыс тіліндегі (590380 сөзқолданыс) ресми-іскери мәтіндер теңестіріліп, оларға екі тілде де морфологиялық талдау жасалған. Теңестірілген түпнұсқа мен олардың аударма мәтіндерінің метабелгіленімі мынадай параметрлерден тұрады: авторы, атауы, тілі, дереккөзі, жарық көрген уақыты, бет саны, сөзқолданыс саны, авторлардың туған жылы, жынысы, стилі, типі, аударма тәсілі, аударманың құрылымдық деңгейі, мәтінді теңестірушінің аты-жөні, теңестіру уақыты, корпусқа енгізушінің аты-жөні және корпусқа енгізілу уақыты.