Қазақ тілінің Жарнама ішкорпусы сайтына қош келдіңіз! Жарнама ішкорпусы – қазіргі қоғамда қарқынды дамып жатқан қазақ тіліндегі жарнама мәтіндерінің Іздеу жүйесі арқылы жұмыс істейтін электрондық база. Жарнама ішкорпусын жасаудың мақсаты – бизнес коммуникация негізінде өндірістік қатынастарды реттеуші жарнама мәтіндерінің электрондық базасын жасау, олардың метабелгіленімдерін әзірлеу. Жарнама ішкорпусы көше, көлік, сауда орындары, БАҚ, интернет жарнамаларының мәтіндер базасынан, метабелгіленім және іздеу жүйесінен тұрады. Жарнама мәтіндерінің метабелгіленімі 15 параметрден тұрады. Олар: жарнаманың суреті, материалы, мәтіні, түрі, тақырыптары (өз ішінде макротоп пен микротопөа бөлінген), тілі, формасы, типі, жылы, жарнама беруші, берілу аймағы, кері байланыс, дереккөз, мәтінді белгілеуші, корпусқа енгізілу уақыты туралы мәлімет беріледі. Бұл мәліметтер зерттеудің шынайылығына, нақты әрі дәлелді болуына мүмкіндік береді.